Alessandro Del Piero e pranon, edhe pse dhimbje, se futbolli italian nuk është më tërheqës si më parë.
Legjenda e Juventusit theksoi në një prononcim për Corriere della Sera se Serie A është bërë e mërzitshme.
“Të dhënat janë të qarta. Futbolli në Itali është bërë i mërzitshëm, sepse niveli ka rënë në krahasim me të kaluarën.
Këtu vinin të luanin më të fortët dhe lojtarët më të mirë.
Të gjithë donin të garonin në Serie A, por tani lojtarët më të mirë zgjedhin të luajnë në Premier League, La Liga, madje edhe në Gjermani e Francë. Ndërsa në Itali nuk vijnë më.
Ndryshe nga këtu në Angli futbolli nuk është aspak i mërzitshëm”, theksoi ish-kapiteni i bardhezinjve të Juventusit.
Del Piero luajti 19 sezone radhazi me “Zonjën”, gjatë së cilave fitoi 17 trofe. Me kombëtaren italiane realizoi ëndrrën për t’u shpallur kampion bote në Gjermani 2006.
