Federata e Futbollit të Kosovës ka njoftuar se Besfort Kasumi do të jetë vëzhgues i gjyqtarëve në turneun kualifikues për u17.
Besfort Kasumi është deleguar nga UEFA në cilësinë e vëzhguesit të gjyqtarëve në turneun kualifikues të Grupit 3 për Kampionatin Evropian për grupmoshën 17-vjeç që zhvillohet në Lihtenshtajn, e ku marrin pjesë edhe Gjermania, si kampione evropiane e kësaj grupmoshe, Ukraina dhe Finlanda.
“Kësisoj, Kasumi bëhet vëzhguesi i parë nga Kosova që delegohet nga UEFA në evente të tilla.” thuhet në njoftim.
Kasumi si arbitër futbolli ka ndarë drejtësinë në futbollin vendor si dhe në ndeshje ndërkombëtare.
