Spektakël, emocione dhe gola në pjesën e parë të Fiorentina-Atalanta, ndeshje që po transmetohet live në SuperSport 3. Skuadra begamaske kaloi në avantazh në minutën e 20’.
Holandezi Teun Koopmeiners goditi menjëherë topin e marrë nga De Roon, dhe i dhuroi kryesimin Atalantës (Berat Gjimshiti në stol).
Por, vendasit reaguan dhe ia dolën të përmbysnin rezultatin në minutat e mbetura. Jack Bonaventura barazoi shifrat në minutën e 35’, ndërkohë që avantazhi i skuadrës nga Firence erdhi në minutat shtesë.
Krosim i Duncan nga e majta dhe finalizim shumë i bukur me kokë i qendërmbrojtësit Lucas Martinez Quarta.
Argjentinasi ndezi festën e tifozëve të pranishëm në “Artemio Franchi”, me Fiorentinën që është afër sigurimit të një fitoreje tepër të rëndësishme.
