Marvin Çuni ishte pjesë e futbollit në ligën e tretë të Gjermanisë.
Me bekimin e trajnerit të Frosinones, futbollisti shqiptar kaloi në Serinë A. Jo vetëm kaq, por e ka nisur direkt me fanellën e titullarit në javën e parë kundër Napolit.
Sigurisht që diferenca është e madhe dhe Çuni kërkon kohën e tij për përshtatjen në elitën e futbollit italian.
Media italiane, Tuttomercatoweb, e ka vlerësuar lojtarin shqiptar si më të dobëtin në fushë sa i përket ndeshjes Frosinone-Napoli, duke i dhënë notën 5.
“Në pjesën e parë mungoi në fushë, pa arsye. Nuk u përfshi asnjëherë në lojë dhe preku shumë pak topa, u la në hije nga Rrahmani”, shkruhet në median italiane..
