Klubi i Partizanit nuk ka vendosur ende se kur do të niset drejt Kazakistanit, në një kohë që ndeshja me Astanën do të luhet të enjten e 24 gushtit në orën 16:00. “Panorama Sport” mëson nga burime në klub se drejtuesit kanë menduar edhe udhëtimin me avionin çarter direkt Tiranë-Astana.
Por, përveçse shkon 9 orë, mësohet se është problem për faktin se nuk mund të kalojë dot në sipërfaqen ajrore të Rusisë.
Në këto kushte, klubi është i detyruar të zgjedhë linja alternative dhe gjasat më të mëdha janë që të shkojë një herë në Stamboll, e më pas nga Turqia të prenotojë një çarter drejt Astanës.
Me këtë variant udhëtimi shkon rreth 7 orë, pra një orë e 40 minuta Tiranë-Stamboll dhe më pas 4 orë e 55 minuta,
Stamboll-Astana. Gjasat janë që Partizani të niset drejt Kazakistanit që të hënën, pasi skuadra duhet të përshtatet me klimën në Astana.
