Eksperti i transferimeve, Fabrizio Romano, ka bërë të ditur se klubi nga Bergamo ka marrëveshje të plotë me “Rossonerët” për mesfushorin belg.
Marrëveshja thuhet se është për huazimin e De Ketelaere për një sezon, për çmimin prej 3 milionë eurosh.
Në marrëveshje është përfshirë edhe klauzola e opsionit të blerjes prej 23 milionë eurosh. Ky opsion nuk është i detyrueshëm.
Gjithashtu është përfshirë edhe klauzola e shitjes në të ardhmen, nëse 22-vjeçari do të bëhej i Atalantas, ku 10% e shitjes do t’i takonin Milanit.
Bordi i Atalantas dhe trajneri Gasperini tani janë të sigurt për të bindur lojtarin, me të cilin ende nuk ka marrëveshje të arritur.
Tani, gjithçka do të varet nga vendimi i reprezentuesit të Belgjikës.
Ndryshe, Charles De Ketelaere me Milanin ka kontratë të vlefshme deri më 30 qershor 2027.
