Shkëndija dhe Shkupi do të luajnë në turin e dytë tëConference League.
Skuadra nga Tetova do të përballet me uellsianët e Haverforduestit, teksa kryeqytetasit do të luajnë kundër lituanezëve të Hegelman.
Për këto ndeshje, në UEFA janë dorëzuar edhe listat me futbollistët që do të jenë të gatshëm.
Kështu, Ardian Nuhiu i Shkëndijës ka grumbulluar 21 lojtarë, mes të cilëve edhe Mevlan Adilin që sezonin e fundit ishte pjesë e Bylisit. Në listë ka edhe emra të tjerë që kanë luajtur në Superiore si Cake,
Dita apo edhe Çinari e Totre.
Ndërkohë, për Shkupin ka 24 lojtarë mes të cilëve është edhe emri i Kristjan Toshevski. Mbrojtësi maqedonas ishte sezonin e fundit pjesë e Tiranës në Superiore dhe në merkaton e verës u largua drejt Maqedonisë së Veriut.
