Ish-ylli i Real Madridit, Sergio Ramos, është duke zhvilluar stërvitje individuale, teksa po kërkon një klub të ri për të vazhduar karrierën, pasi kontrata me Paris Saint-Germain i ka skaduar. Për spanjollin janë të interesuara klubet nga Lindja e Mesme dhe Inter Miami, por ende nuk ka diçka definitive.
Spanjolli fitues i Kupës së Botës u bë lojtar i lirë në fund të qershorit pasi kontrata e tij me Paris Saint-Germain skadoi. Ai tani është në kërkim të një klubi të ri, por ndërkohë, ai po e mban veten në formë duke u munduar shumë në seancat e tij stërvitore individuale.
Mbrojtësi 37-vjeçar është i lidhur me një lëvizje te Inter Miami që mund ta shohë atë të ribashkohet me ish-kolegun e PSG-së, Lionel Messi. Skuadra e Ligës Pro Saudite Al Ahli është gjithashtu e prirë për nënshkrimin e tij në verë dhe është gati t'i paguajë 20 milionë dollarë në vit.
Përveç ofertave nga SHBA dhe Arabia Saudite, ai ishte gjithashtu i lidhur me një lëvizje në klubin e tij të fëmijërisë Sevilla, por presidenti i klubit së fundmi sqaroi se ata nuk kanë synime për ta rikthyer Ramosin në La Liga.
