Trajneri i Italisë, Roberto Mancini, ka folur me mikrofonat e “Rai-t” pas fitores 2-3 ndaj Holandës, e vlefshme për finalen e vendit të tretë dhe të katërt në Ligën e Kombeve.
Natyra e vërtetë e Italisë është rishikuar?
“Pjesa e parë ishte shumë e mirë, pastaj filluam të binim.
Bëmë një përpjekje të madhe, edhe pse të gjithë ishin të lodhur.
Fakti që qëndruam deri në fund ishte një gjë e mrekullueshme.
Kemi zgjidhje interesante loje, në pjesën e dytë ndryshuam pak, me dy sulmues anësor dhe një sulmues ishim më të fortë fizikisht ndërsa në pjesën e parë ishim më të lehtë.
Në mesfushë u mbajtëm mirë dhe mbrojtja luftoi deri në fund”.
Si tu dukën golat nga Dimarko dhe Fratezi?
“Ishte e rëndësishme të fitonim.
Është gjithmonë një ndeshje e rëndësishme. Dimarko shënoi një gol të mrekullueshëm”..
