Barazimi 1 me 1, mbrëmjen e djeshme në transfertën e Strasbourg i mjaftoi “parizienëve” të PSG, për të siguruar titullin e 11-të kampionë të Ligue 1 në historinë e klubit, pas një sezoni vërtetë të luftuar.
Ndër të parët që i “dedikuan” një koment triumfit të PSG ishte dhe “ylli” i tyre, Kylian Mbappe, i cili me anë të një postimi në profilin e tij zyrtar në rrjetin social “Instagram”, i konsideroi të tijët si klubin më të mirë në Francë.
“Kampion i Francës.
Titulli i 11-të.
Zonja dhe zotërinj, botë, klubi më i madh në Francë është Paris Saint-Germain”,- u shpreh Mbappe në postimin e tij..
