Real Madridi dhe Barcelona, rivalë në fushë, bëhen aleatë jashtë për një betejë ligjore me La Liga-n në lidhje me menaxhimin e të drejtave të markës “El Clasico”.
Një formulim që dy klubet nuk do të mund ta përdorin më për të reklamuar ndeshjen. Në të vërtetë, Zyra Spanjolle e Patentave dhe Markave vendosi sepse beson se ka një mundësi konfuzioni midis atij të kërkuar nga klubet (pikërisht “El Clasico”) dhe atij të përdorur tashmë nga La Liga – “ElClásico” – të cilin e konsideron tashmë të njohur dhe mjaftueshëm të konsoliduar.
Organi tha se ekzistonte një mundësi konfuzioni që “përfshin një rrezik të lidhjes” me markën tregtare të regjistruar më parë.
Ai gjithashtu ka shqetësime për ngjashmëritë e “simboleve” ose logove, si dhe reputacionin e markës së mëparshme me të cilën marka e kërkuar “mund të krijojë një lidhje në mendjen e konsumatorit”.Kjo rezolutë është shumë e rëndësishme, pasi parandalon totalisht përdorimin e markës së një ndeshjeje që ka shumë rëndësi tregtare në të gjithë botën.
Në këtë pikë Real Madrid dhe Barcelona kanë një muaj në dispozicion të tyre për të apeluar dhe për të vazhduar betejën e tyre.
