Emri i Lionel Messi-t ka qenë në buzët e shumë tifozëve të Barcelona-s gjatë muajve të fundit, pasi mundësia që ai të kthehet në klub këtë verë vazhdon të rritet.
Kontrata e Messi-t me Paris Saint-Germain skadon në fund të sezonit dhe pritet që ai të mos rinovojë, gjë që do ta linte të lirë për të gjetur një klub të ri.
Barcelona është favorit për të ri-nënshkruar Messi-n, megjithëse Ronald Koeman, i cili ishte në krye të Barçës në kohën e largimit të argjentinasit, nuk beson se ai do të kthehet këtë verë.
“Nuk mendoj se Messi do të kthehet te Barcelona. Busquets do të largohet, nuk do të qëndrojë as Jordi Alba dhe këta të tre janë miq të mirë. Nuk do të habitesha nëse do të shkonin së bashku në Majeami ose Arabinë Saudite”.
Koeman beson gjithashtu se Joan Laporta po përpiqet të përmirësojë imazhin e tij me kërkimin e nënshkrimit të Messi-t, pasi argjentinasi u larguar nën drejtimin e tij në vitin 2021.
“Laporta dëshiron të ruajë fytyrën sepse ai njihet si njeriu që e la Messin të largohet”.
Mbetet për t’u parë nëse Messi do të kthehet te Barcelona këtë verë, por duket se ka një besim në rritje se klubi mund ta arrijë marrëveshjen.
