Derbi i Milanos mes Milanit dhe Inter këtë herë merr një shije tjetër duke qenë se të dyja skuadrat përballen në gjysmëfinalen e Champions League.
Pas disa vite pritje për lavdinë europiane, kuqezinjtë dhe zikaltërit rikthehen në skenën kryesore dhe pretendojnë një biletë për në finalen e Stambollit.
Trajnerët respektivë, Stefano Pioli dhe Simone Inzaghi kanë gati artilerinë e rëndë dhe kanë zbuluar kartat.
Tek Milan dihej mungesa e Rafael Leaos, lojtarit më të rëndësishëm. Megjithatë, në vend të tij do të duhet të marrë më shumë përsipër Saelemaekers ndërsa në fushë nga minuta e parë është edhe Dias e Giroud.
Nga ana tjetër, Inter e nis me Lautaro-Dzeko në fushë ndërsa në stol ulet Romelu Lukaku teksa nuk ka surprizë në repartet e tjera.
