Alessandro Bastoni duket gjithnjë e më pranë rinovimit me Interin.
Negociatat midis dy palëve po vazhdojnë teksa klubi i ofron mbrojtësit një pagë për 6 milionë euro.
Diskutimet për rinovim vijnë pas paraqitjeve të mira që mbrojtësi ka zhvilluar ndaj Portos, Veronës dhe Romës. Dëshira e klubit është që bisedimet të mbarojnë përpara muajit korrik.
Gjithashtu mbrojtësi dëshiron të vazhdojë bashkëpunimin me klubin dhe mendon të jetë një nga flamurtarët e klubit. Interi duhet të rregullojë valencat në merkato.
Me shumë mundësi klubi po mendon shitjen e Dumfries por edhe në rast të një oferte të pashmangshme për Bastonin, drejtuesit mund ta mendojnë një shitje të tij. Sidoqoftë ideja kryesore e klubit është që rasti Bastoni të mos përsëritet si rasti i Shkriniarit.
