Roma-Inter është një nga ndeshjet më të rëndësishme të kësaj jave në kampionatin italian.
Dy skuadrat kanë objektiv pjesëmarrjen në Ligën e Kampioneve dhe diferenca e pikëve mes tyre, është shumë e ngushtë.
Ndërkohë, për këtë ndeshje është vendosur edhe arbitri që do të ndaj drejtësinë.
Fabio Mareska është personi të cilit i është besuar ky takim i rëndësishëm, megjithatë është një emër që nuk i sjell kujtime të bukura asnjërës skuadër.
Si trajneri Mourinho, ashtu edhe ish-trajneri Conte e akuzonin në ndeshjet që skuadrat e tyre humbisnin pikërisht kur arbitër ishte Mareska dhe si për ironi të fatit, të dyja ndeshjet ndaj Udinezes.
“Udineze është klub i zgjuar, di të ndikojë në arbitra”, akuzonte pas ndeshjes Murinjo kur skuadra e tij mundej 4-0. Ndërkohë, Konte shprehte pakënaqësi në ndeshjen e Interit ndaj Udinezes, ku tekniku i Interit merrte karton të kuq. “Je gjithmonë ti Mareska… eh. Je gjithmonë ti, Mareska. Edhe në VAR, je gjithmonë ti. Bravo Mareska”, shprehej Konte.
Në ndeshjet e mëparshme Roma ka një rekord prej 14 ndeshjesh me Mareska si arbitër, me gjashtë fitore, pesë barazime dhe tre humbje me Tre takimet e fundit janë: Roma-Juventus 1-0, Udinese-Roma 4-0, Roma-Milan 1-2. Interi ka një bilanc prej 14 ndeshjesh me arbitrin Mareska 8 fitore, tre barazime, tre humbje.
Tre takimet e fundit të zikaltërve: Inter 0-1 Fiorentina, Sampdoria 0-0 Inter, Milan 0-3 Inter (Superkupa e Italisë).
