Futbollisti shqiptar, Arijan Ademi, tash e tutje do të zhvillojë karrierën në kampionatin kinez por gjithmonë do të mbetet në zemrat e tifozëve të skuadrës së madhe kroate, Dinamo e Zagrebit.
Dinamovitët tërheqin numrin 5 në shenjë respektin për shqiptarin.
“Kjo është një shenjë e vogël mirënjohjeje që mund t'i tregojmë Arijanit për gjithçka që ka bërë në 13 vitet e fundit.
Në këtë mënyrë, Dinamo ka vendosur edhe një herë të nxjerrë në pah rëndësinë e kapitenit tonë për klubin”, thuhet në komunikatën e Dinamos.
“Pak lojtarë në historinë e Dinamos kishin statusin ikonë siç është Arijan Ademi.
Pak njerëz kaluan aq vite sa ai në Maksimir.
Kapiteni shumëvjeçar i Dinamos u largua nga Maksimir dhe nënshkroi për klubin kinez Peking Guan.
Ai i ka dhënë lamtumirën e dashur Dinamos dhjetë ditë më parë në fitoren ndaj Rijekës.
Ai luajti 358 ndeshje, shënoi 41 gola dhe ka 30 asistime”, shkruan mes të tjera mediumi kroat “24 sata”.
“Numri i Ademit nuk do të përdoret derisa të dalë në pension!
Në Dinamo debatuan me ditë nëse pesëshja e tij duhet të dalë në pension.
Disa ishin pro, disa mendonin se do të ishte një degradim i lojtarëve legjendar para Ademit që mbante të njëjtin numër, ndaj drejtuesit vendosën për një lëvizje kompromisi.
Pesëshja e tij për pak kohë është 'ngrirë', domethënë kur Arijani të pensionohet, vetëm atëherë ai do të jetë sërish në dispozicion të lojtarëve të tjerë”, shkruan më tej nga mediumi kroat.
“Arijan Ademi, simboli, modeli, kapiteni dhe lideri, u largua nga GNK Dinamo pas gati 13 vitesh në fanellën e kaltër.
Ditët e kaluara janë shkruar qindra kartolina me tekste gazetareske dhe mesazhe tifozësh me rastin e lamtumirës së kapitenit dhe vetë klubi e ka falënderuar Ademin në mënyrë emocionale për gjithçka që ka dhënë për fanellën e kaltër.
Kapiteni ynë e meritoi, para së gjithash, me paraqitjet, golat, asistimet, trofetë dhe më e rëndësishmja – me qasjen e tij.
Vitet që kaloi në klub do të jenë gjithmonë një frymëzim i pashtershëm për të gjithë lojtarët e Dinamos. Është e pamundur të shprehim plotësisht respektin dhe mirënjohjen që ndjejmë për kapitenin tonë.
Jemi të vetëdijshëm që në futboll është shumë mosmirënjohëse të tërhiqesh një numër.
Duke parë historinë e Dinamos dhe cilat legjenda luajtën për klubin tonë dhe lanë gjurmë të madhe, GNK Dinamo vendosi të mos tërhiqej asnjë numër të vetëm për respekt për të gjithë të mëdhenjtë që luajtën për klubin tonë.
Mirëpo, në të njëjtën kohë, klubi ka marrë vendim që numri pesë të tërhiqet nga përdorimi në zhveshtoren e kaltër derisa Arijan Ademi të vendosë të mos luajë më aktivisht në futboll, pra deri në përfundimin e karrierës së tij.
Deri në atë moment, numri pesë i Dinamos do të jetë ekskluzivisht i rezervuar për të.
Kjo është një shenjë e vogël mirënjohjeje që mund t'i tregojmë Arijanit për gjithçka që ka bërë në 13 vitet e fundit.
Në këtë mënyrë GNK Dinamo ka vendosur edhe një herë të theksojë rëndësinë e kapitenit tonë për klubin si dhe rëndësinë e Arijan Ademit për të gjithë brezat e ardhshëm.
Nëpërmjet aksioneve të ndryshme, Dinamo tregoi vendosmërinë e saj të qartë ndaj legjendave të këtij klubi.
Jemi krenarë që fëmijët tanë stërviten në fushat me emrin e këtyre legjendave.
Çdo ditë të gjithë ata që vizitojnë Dinamon kalojnë pranë murales kushtuar brezit legjendar të 82’, si dhe pranë hotelit të klubit që mban emrin e brezit të famshëm të vitit 1967.
Në fushata të shumta, fansat tanë patën mundësinë të kujtojnë ditët e lavdishme duke blerë kopje të fanellave origjinale nga faza të ndryshme të së kaluarës sonë të lavdishme.
Duke ditur se ata janë themeli i komunitetit tonë, nuk kemi dyshim se edhe Arijan Ademi do të përjetësohet në Maksimir në të ardhmen dhe do të shërbejë si frymëzim për gjeneratat e reja të fituesve. Ndaj nuk do ta mbyllim kapitullin numër pesë dhe do të ketë për të paktën një kohë mbishkrimin: Ademi”, thuhet mes të tjera nga Dinamo.
