Marash Kumbulla po vuan ndjeshëm mungesën e besimit te Roma.
Mbrojtësi shqiptar u rikthye si titullar në ndeshjen e Serisë A kundër Cremonese. Smalling mungonte për shkak të skualifikimit nga kartonët.
Murinjo zgjodhi që t’i besonte Kumbullës pas shumë ndeshjesh pa e parë fushën e blertë.
Por lojtari i Kombëtares ka vuajtur dhe në pjesën e dytë do të ulej në stol.
Për “Ilromanista”, Kumbulla ishte mbrojtësi më i dobët dhe vlerësohet me notën 5.
“Po vuante shumë. Ndërrimi për të ishte i pashmangshëm”, shkruhet në vlerësim.
