Real Madridi do të takohet nesër mbrëma me Elchen, në kuadër të javës së 21-të në La Liga.
Një prej mungesave të mëdha për “Los Blancos” do të jetë Vinicius Junior, i cili është i suspenduar shkaku i kartonëve të verdhë.
Carlo Ancelotti, sot në konferencën për media, konfirmoi se në vend të Viniciusit do të luajë braziliani tjetër, Rodrygo.
“Rodrygo do të luajë në pozicionin e tij”, tha shkurt trajneri italian.
Ancelotti tutje foli edhe për futbollistët e tjerë. Ai konfirmoi mungesën e Thibaut Courtois dhe Toni Kroos, si dhe konfirmoi rikthimin e Eder Militaos dhe Lucas Vazquez.
“Courtois nuk do të jetë nesër, shpresoj se ai do të kthehet për të shtunën, kundër Osasunas. Kthehet Eder Militao, kthehet Lucas, Kemi humbur Kroos, i cili ka një problem”, deklaroi 63-vjeçari.
Ndryshe, ndeshja mes Real Madridit dhe Elches do të zhvillohet nga ora 21:00, në “Santiago Bernabeu”.