Lisandro Martinez ishte një nga transferimet e verës për Manchester United, me “Djajtë e Kuq” që paguan 57 milionë euro tek Ajax.
Dhe, performanca e argjentinasit nuk ka qenë zhgënjyese, madje legjenda e Manchester United, Rio Ferdinand thekson se Martinez për të është aktualisht mbrojtësi më i mirë në Premier League ndërsa shton se ai është një lider.
“Lisandro Martinez është lojtari më në formë dhe mendoj se nuk ka shumë debat në lidhje me këtë.
E shoh Martinez si një lojtar shumë dominant, është agresiv dhe lider.
Ajo që më pëlqen është edhe fakti se ai komunikon shumë me shokët e skuadrës, si dhe tregon karakter në momentet e vështira.
Unë kam qenë nga ata që dyshoja te aspekti fizik i Martinez, e kam fjalën për gjatësinë dhe nuk e dija nëse do t’ia dilte të performonte në Premier League. por, trajneri ten Hag është treguar i zgjuar dhe është ai që i ka dominuar kundërshtarët duke qenë në kontrollin e topit për pjesën më të madhe të kohës.
Dhe, deri më tani Martinez nuk ka pasur probleme në lidhje me gjatësinë”, u shpreh Ferdinand.
