Kur takohen legjendat e futbollit të Kosovës, Zenun Brovina dhe Esat Mehmeti, emocionet janë të mëdha mes tyre.
Dy emra të mëdhenj të futbollit, kujtojnë kohërat e arta të tyre.
Esat Mehmeti, ish portier i mirënjohur, një kohë ka mbrojtur edhe për Vardarin e Shkupit, ndërsa Brovina është shqiptari i parë që ka luajtur për Partizanin e Beogradit.
Mehmeti përshkruan një komunikim me Brovinën.
“Takim rasti, me legjendën Zenun Brovina.
O, kapiten ku je?
O, Esat që mirë po ti si je, qe e mora do mëngjes për të shtëpia...
Po si je si po kalon kapiten?
Po mirë, po na kaluan vitet o Esat, po duhet me thënë mirë se s'po na lënë rahat në shtëpinë tonë një grusht pisash... Po ti e din Esat në Beograd sa shqiptari ka punuar me nderë, luhej këndohej shqip e çka jo...?
Bile një herë me Veli Vraniqin i cili edhe keç i shajke e s'guxojke kush me i bë zë ... ha ha Po pak pisa janë e po na bëjnë kahre krejt edhe ata edhe neve
Mirë po thua...
Po, vëllaun Azemi si është, se kam pa moti si është?
Azemi nuk po del fare...! Kapiten a të kujtohen ato lojëra ku luanim së bashku...
Ei, moti u kanë, kam harruar krejt...!
Më mirë mos ti kujtojmë fare...!?
Ngadale zbrit prej shkalle se mos po rrëzohesh? po vallahi se këtë këmbë e kam të thyer...
Po e bëjmë një foto së bashku a... ?
Ani Esat miku faleminderit shumë. I ndihmova të shkallët e u përshëndetem .Mirë u pafshim kapiten, mirë u pafshim.
U ndamë me legjendën, me shqiptarin e parë që ishte pjesë e klubit Partizanit të Beogradit, Vëllaznimit, Prishtinës, KEK-ut) duke i dëshiruar shëndet”, ka shkruar Mehmeti.
