Atletico Madrid raportohet se i ka sytë kah sulmuesin i Interit, Romelu Lukaku.
Belgu duket se sërish do të largohet nga skuadra ‘Nerazure’, por kësaj radhe destinacioni i tij mund të jetë Spanja.
Rikthimi i Lukakut tek Interi nuk po përmbush pritshmërit, dhe duket se reprezentuesi belg do të largohet nga qyteti i Modes.
Atletico Madrid sipas mediave spanjolle, është e interesuar për Lukakun.
Klubi madrilen po e mendon shkëmbimin e belgut me Joao Felix, i cili tashmë ka kërkuar largimin nga skuadra e Diego Simeones.
Strategu argjentinas kërkon një sulmues me karakteristika të Lukakut dhe për të transferuar atë në Madrid, Simoene është i gatshëm të sakrifikojë ish-yllin e Benficas.
Sulmuesi portugez thuhet së po vëzhgohet edhe nga disa klube tjera evropiane.
