Duket se eliminimi turpërues i Atletikos nga Europa ka bërë që pankina e Diego Simeones të dridhet, me trajnerin që rrezikon shkarkimin.
Argjentinasi ka një kontratë deri në vitin 2024, por duket se kjo gjë nuk pritet të vazhdohet më shumë se qershori i vitit të ardhshëm, pasi klubi spanjoll ka nisur kontaktet me një tjetër trajner të njohur.
Bëhet fjalë për ish-teknikun e Barcelonës, Luis Enrike, i cili momentalisht ndodhet në stolin e kombëtares spanjolle.
Nuk dihet nëse 52-vjeçari do të jetë akoma në krye të Spanjës pas Botërorit të Katarit dhe për këtë arsye, Atletiko e Madridit është hedhur menjëherë në sulm dhe në të njëjtën kohë, duke mbyllur një epokë suksesi me Simeonen, pas 11 viteve në krye të kryeqytetasve.
