Mesfushori andaluzian Gavi fitoi trofeun Kopa dhe Golden Boy si lojtari më i mirë i ri në futbollin evropian. Në një intervistë për revistën ‘France Football’, ai ka zbuluar disa kuriozitete të karrierës së tij.
Një nga veçoritë e para që zbuloi futbollisti i Barçës ishte se Andres Iniesta dhe Isko Alarkon ishin idhujt e tij kur ai ishte i vogël dhe gjithashtu se si lindi pseudonimi Gavi, i cili e ka shoqëruar që në fëmijëri.
“Njerëzit mendojnë se është për shkak të emrit tim të plotë ‘Pablo Martín Páez Gaviria’. Por kjo nuk është e vërtetë, në ekipin tim të parë kishte dy lojtarë të quajtur Pablo dhe për të shmangur ngjashmëritë, trajneri më quajti Gavi,” tha ai.
Gavi gjithashtu kujtoi se si ishte ardhja e tij në Barça në 2015 .
“Isha pak i frikësuar sepse nuk e dija se çfarë më priste këtu. Por prindërit më qetësuan. Më shoqëruan sepse isha 10-11 vjeç. Ne jetonim në një apartament në Rambla. Ka qenë ëndrra ime të luaja për Barçën,” tha Gavi.
Përveç rishikimit të viteve të tij të para në Barcelonë, Gavi gjithashtu donte të falënderonte Ronald Koeman që i dha alternativën në ekipin e parë të Barçës dhe kujtoi momentin më të tensionuar që përjetoi në paraqitjet e tij të para si profesionist.
“Koeman më dha mundësinë dhe do t’i jem gjithmonë mirënjohës për atë që më mësoi. Në “San Siro” para se të përballesha me Italinë në gjysmëfinalen e Ligës së Kombeve, ishte hera e parë që ndjeva presionin. Isha shumë nervoz dhe këmbët po dridheshin, por sapo filloi ndeshja u ndjeva rehat”, tha Gavi, i cili nuk e fshehu se do të kishte dashur të luante me Messin duke siguruar se “nuk pata fatin” të përkoj me argjentinasin te Barça .
