Superkupa e Evropës, format i ri me finalen në SHBA!
Superkupa e Evropës mund të ketë një format të ri duke filluar nga viti 2024, kur do të nisë edhe formula e rinovuar e Ligës së Kampionëve.
Nga Anglia, gazeta “The Guardian” raportoi se UEFA prej muajsh po punon për idenë e një Final Four për të luajtur në Shtetet e Bashkuara (të konsideruar si një treg shumë i rëndësishëm) me dy gjysmëfinale, një finale për vendin e tretë dhe finale për titull.
Përveç fituesve të Champions dhe Europa League që aktualisht janë në garë për trofeun, do të marrë pjesë edhe skuadra që fiton Ligën e Konferencave dhe me ftesë, formacioni kampion i MLS.
