Federata e Futbollit e Kosovës dhe ajo e Shqipërisë përkatësisht dy presidentët Agim Ademi dhe Armand Duka vazhdojnë të kenë një bashkëpunim të jashtëzakonshëm.
Ndonëse kohëve të fundit është rihapur tema sesi Shqipëria po i “grabitë” talentet kosovarë duke i ftuar të bëhen kuqezi, marrëdhëniet ndërmjet këtyre dy presidentëve duken fantastike.
Agim Ademi e ka dëshmuar sot këtë duke e postuar një fotografi bashkë me Duken në të cilën e ka përshkruar me fjalët: Kafen e mëngjesit bashkë me Dukën në Prishtinë. Gjithmonë takime të këndshme dhe me vlerë.
Kosova e Shqipëria janë duke punuar që në nëntor të zhvillojnë një ndeshje miqësore në Frankfurt të Gjermanisë dhe kjo duket se ka qenë një ndër temat e shumta të biseduara.
