Erik ten Hag ka lavdëruar Marcus Rashfordin dhe Jadon Sanchon, pasi dyshja shënuan në fitoren e Manchester Unitedit ndaj Liverpoolit.
Ten Hag ka parashikuar se kundërshtarët e Unitedit do të kenë vështirësi të përballojnë dyshen e Anglisë këtë sezon, pas paraqitjeve të tyre mbresëlënëse të hënën në mbrëmje.
Holandezi për “MUTV” tha: “Jam i bindur se ata mund të jenë vërtet një kërcënim, me të vërtetë një armë kundër çdo kundërshtari. Për sa kohë që fokusi dhe energjia e tyre janë me ta, është shumë e vështirë t'i ndalosh ata.
Kështu që është për marrjen e ekipit në situatën e duhur dhe gjithashtu për veten e tyre, me qasjen e duhur, fokusin e duhur në lojë dhe luftimin, mbrojtjen, presingun. Por edhe driblime dhe kombinime dhe vrapime pas”.
Sezoni i Unitedit ka nisur falë fitores së tyre të papritur ndaj Liverpoolit. Megjithatë, Ten Hag është i prirë që lojtarët e tij të ndërtojnë këtë sukses, duke shtuar se ata duhet të “pranojnë se duhet të lëndosh veten, duhet të vuash, për të marrë më në fund nivelin më të mirë prej teje”.
Rashfordi shënoi golin e tij të parë me Unitedin që nga 22 janari në fitoren e së hënës në “Old Trafford”.
