Edhe zyrtarisht, Renova nuk do të luajë në Kampionatin Maqedonisë së Veriut në sezonin e ardhshëm.
Të gjitha shpresat se “gjipspunuesit” do të mund të shpëtojnë ende në orën e fundit me një investitor të ri, janë shembur. Kështu që pas 17 vitesh gara në elitën tonë, sezonin e ardhshëm nuk do t’i shohim më në LPFM.
Kjo zyrtarisht vjen pasi zyra e Renovës i ka dërguar një letër Federatës së Futbollit të Maqedonisë, ku thuhet se FC Renova nuk do të luajë në LPFM në sezonin 2022/23.
Tani mbetet pyetja se çfarë dhe si do të veprohet me klubin, i cili në këto 17 sezone dikur ishte kampion i Maqedonisë, një herë fitoi Kupën dhe në disa raste luajti në Evropën e futbollit.
Në ato 17 vitet e fundit, ai konsiderohej si një nga klubet tona më të qëndrueshme, këtu kemi parasysh financiarisht.
Propozimet janë të qarta, Renova bie në rangun më të ulët. Shumë keq, vërtet shumë keq.
Pas kësaj letre dërguar FFM-së, tashmë dihet përfundimisht se në sezonin e ardhshëm të LPFM, që fillon fundjavën e ardhshme, liga e parë do të ketë 11 klube.
