Renato Sanches pritet të jetë përforcimi i radhës i Paris Saint-Germainit.
“Le Parisien” ka raportuar këtë të hënë se mesfushori portugez ka pranuar që t’i bashkohet kampionëve të Francës.
Sanches ishte i lidhur me një transferim te Milani, por sipas mediumit francez, ai nuk është më i interesuar për t’u transferuar në “San Siro”.
Transferimi i 24-vjeçarit te Paris Saint-Germaini pritet të mbyllet për 10 milionë euro.
Megjithatë, sipas raportimit, bisedimet po shkojnë ngadalë sepse Lille dëshiron më shumë se 10 milionë.
Kontrata e Sanchesit me Lille skadon më 30 qershor 2023.
