Për të festuar katër dekada të jetës së tij sportisti ka menduar një ditëlindje të çmendur në Ibiza. Ish-ylli i Romës, e ka gati edhe listën me të ftuar, ku nuk do të mungojnë edhe shumë futbollistë të tjerë të njohur dhe Dj ndërkombëtarë.
Revista e përjavëshme “Chi” tregoi më tej se festa plotë yje do të zhvillohet në vilën luksoze të Barriellos në ishullin spanjoll. Por mesa duket deri më tani, ndër vipat që do marrin pjesë nuk përflitet për ndonjë nga ish të dashurat seksi të ish-yllit të “Zonjës së Vjetër”.
Ju kujtojmë që lista e vajzave që ka qenë i lidhur Marco është shumë e gjatë. Më e famshmja mbetet Belen Rodriguez: historia e tyre zgjati katër vjet, nga 2004 deri në 2008.
Në CV-në sentimentale të Borrielos janë gjithashtu: Cristina Buccino, Nina Senicar, Bianca Brandolini d’Adda, Sofia Rising, Audrey Chabloz, Gilda Ambrosio, Stefania Seimur, Larissa Schmidt, Camila Morais, Dayanello Mello.
Në vitin 2020 u përfol për një flirt, të pa konfirmuar kurrë, mes Marco Borriellos dhe Marica Pellegrinellit (ish-bashkëshortja e këngëtarit italian, Eros Ramazzottit).
Ish-lojtari dhe modelja janë parë disa herë bashkë në Ibiza. Sot ajo është e lidhur me DJ-in e njohur ndërkombëtarisht, William Djoko, ndërsa jeta private aktuale e Borriellos është e mbuluar me mister.
