Ajo do të luhet më 10 tetor, me dëshirën e Diego Armando Maradonës, i cili ishte kapiten i ekipit të “Scholas” në edicionet e mëparshme. Dhe Papa Françesku kishte fjalë me zemër: “Kur luajmë si ekip, konkurrenca në vend të konfliktit është fara e paqes”.
Lëvizja Arsimore “Scholas” organizoi një takim me Papën, pasditen e së mërkurës në Vatikan, ku morën pjesë disa futbollistë të rëndësishëm, Ronaldinho, Dani Alves dhe Maxi Rodriguez.
Takimi u zhvillua në Sallën e Madhe të Universitetit Urbaniana, në kuadër të prezantimit të “Shkollës Laudato Sì”, frymëzuar nga enciklika e Shenjtërisë së Tij, në prani të studentëve të ndryshëm nga vende të ndryshme të Evropës dhe Amerikës Latine.
Në këtë skenar, sportistët morën ‘topin për paqe’ të bekuar nga Papa, me të cilën do të luhet ndeshja, në të cilën do të marrin pjesë legjendat më të rëndësishme të futbollit ndërkombëtar.
Do të jetë edicioni i tretë i “Match for Peace”, i cili këtë herë do të quhet “Ne luajmë për paqen”, manifestimi i parë solidar në favor të programeve arsimore të Lëvizjes Papnore “Scholas Occurrentes”, krijuar nga Papa Françesku.
Misioni i saj është për të përdorur teknologjinë, artin dhe sportin për të promovuar arsimin dhe për të arritur përfshirjen e të gjitha komuniteteve, duke iu përgjigjur misionit të krijimit të një kulture takimi, duke bashkuar të rinjtë në një edukim që gjeneron vlera.
Gjatë takimit, lojtarët i paraqitën Papës një video mjaft prekëse të mbështetjes për ndeshjen, në të cilën nuk munguan mesazhet e ambasadorëve të sportit Lionel Messi dhe Gianluigi Buffon, këtë herë së bashku me yje të tjerë të futbollit botëror, duke përfshirë Luis Suarez, Angel Di Maria, Ivan Rakitic dhe José Mourinho.
Edicionet e mëparshme të ngjarjes u zhvilluan në stadiumin olimpik të Romës, më 1 shtator 2014 dhe 12 tetor 2016, ku Diego Maradona mund të admirohej duke luajtur për paqe, bashkë me djalin e tij Diego Maradona Jr. Këtë vit realizimi i edicionit të 3-të të “Ndeshjes për Paqe” do të ketë mbështetjen e motrave Diego dhe Satvica.
