Juventusi raportohet se ka shprehur interesim për Kepa Arrizabalagan.
Sipas “Football.London”, klubi italian është duke e monitoruar situatën e spanjollit te Chelsea dhe po synon huazimin e tij në verë.
Pas transferimit së Edouard Mendyt në vitin 2020, Kepa humbi pozitën e titullarit te skuadra londineze dhe që nga ajo kohë është vetëm si portier i dytë.
Për 27-vjeçarin interesim ka shprehur edhe Lazio, pasi trajneri i skuadrës, Maurizio Sarri, thuhet se e dëshiron ribashkimin me të.
Nga gara për transferimin e ish-portierit të Athletic Bilbaos nuk përjashtohet as Newcastle United.
Kepa Arrizabalaga me Chelsean ka kontratë të vlefshme deri më 30 qershor 2025.
