Harry Kane thuhet se do të qëndrojë në Tottenham Hotspur këtë verë për shkak të lëvizjes së Manchester City për Erling Haaland.
Manchester City duket se është në prag të sigurimit të nënshkrimit të Haaland, gjë që ka reduktuar më tej opsionet e kapitenit të Anglisë këtë verë.
Sipas Times, Kane ka më shumë gjasa të qëndrojë në veri të Londrës sezonin e ardhshëm.
Tottenham është aktualisht favorit për të përfunduar i katërti në Premier League dhe për t’u kualifikuar në Ligën e Kampionëve sezonin e ardhshëm.
Si rezultat, ky faktor, krahas mungesës së opsioneve alternative, ka bërë që Kane të vendosë të rivlerësojë të ardhmen e tij. Ai do të mbushë 29 vjeç këtë verë dhe do të ketë edhe dy vite kontratë me Spurs.
Kane gjithashtu nuk ka gjasa të shkojë jashtë vendit, duke qenë se ai e ka vendosur veten si objektiv për të thyer rekordin e Alan Shearer prej 260 golave në Premier League dhe aktualisht është i pesti në listën e Premier League me 178.
Ai gjithashtu synon të bëhet golashënuesi më i mirë në historinë e Tottenham. 28-vjeçari aktualisht ka 243 gola në të gjitha garat dhe synon të mposhtë rekordin e klubit të Jimmy Greaves prej 266.
