Barcelona ka nisur punën për të rinovuar me Ousmane Dembele, të paktën kështu raportohet nga mediat spanjolle. Një operacion që disa muaj më parë dukej totalisht i përjashtuar, tashmë po rritet sërish për shkak të performancës së shkëlqyer që francezi po ofron në ndeshjet e fundit. Vazhdimësia e tij është një thirrje popullore. Laporta, Xavi dhe lojtarët e skuadrës nuk humbasin asnjë rast në daljet e tyre publike për t’i bashkuar kauzës së rinovimit të Dembelesë.
Por jo të gjitha dëshirat mund të arrihen. Barcelona vazhdon me një situatë shumë delikate ekonomike dhe Mateu Alemany po bën përpjekje për të balancuar financat. E qartë është se situata ka marrë një kthesë absolute dhe, megjithëse gjërat janë të komplikuara, asgjë nuk mund të përjashtohet në këtë moment. Një operacion plot pro dhe kundër. Kjo është situata mes Barcelonës dhe Dembelesë sipas “Marca”.
Situata: Mateu Alemany udhëtoi për në Marrakech për t’u takuar me agjentin e francezit, Moussa Sissoko , pas disa javësh në të cilat nuk pati asnjë kontakt mes dy palëve. Marrëdhëniet ishin prishur pasi futbollisti nuk pranoi rinovimin në dhjetor, nuk donte të largohej në merkaton e dimrit dhe hodhi poshtë letrën e lirisë të ofruar nga klubi. Duke parë ecurinë e futbollistit, drejtuesit e katalanasve hodhën hapin e parë dhe vendosën të organizojnë një takim.
Një takim pozitiv: Takimi shërbeu për të thyer akullin mes palëve. Nuk ishte një negociatë në vetvete ku të dy palët filluan të flisnin për para. Ishte një takim për të testuar pozicionet pas një kohe të gjatë pa kontakt. Ajo që u bë e qartë është se të dy palët janë të gatshme të flasin për vazhdimësi. Klubi e konsideron francezin një lojtar të vlefshëm dhe francezi nuk ka nënshkruar asgjë me një klub tjetër, ai mund të vendosë të ardhmen e tij dhe të qëndrojë në “Camp Nou”. Brenda pak ditësh nuk ka datë për mbledhjen e radhës, nisin propozimet ekonomike.
Roli i Xavi: Trajneri i ri ka qenë kyç në ndryshimin e pozicionit të klubit. Ai ishte mbështetësi kryesor i Dembele dhe e shtyu atë të kthehej në ekip në shkurt dhe të mos e linte atë në tribuna siç synonte Bordi. Xavi i ka besuar gjithmonë francezit, e ka treguar lojë pas loje dhe ka arritur ta integrojë në grup. Përveç kësaj, ai i ka kërkuar Laportës që të tentojë ta rinovojë atë. Pa vendosmërinë që ka treguar Xavi në këtë çështje, gjithçka do të kishte qenë ndryshe.
Fair Play financiar: Një “dhimbje koke” për Barcelonën në çdo operacion ekonomik që lind. Është e nevojshme të ulet masa e pagave të subjektit që të mund të sjellë lojtarë dhe të rinovojë ata që janë. Barcelona nuk mund të shpenzojë shumë dhe lojtari e di që nuk mund ta kufizojë veten në kërkesat e tij sepse klubi nuk jep më shumë . Por te Barça e kanë gjithashtu të qartë se nëse nuk rinovojnë Dembele do të duhet të shkojnë në merkato dhe të nënshkruajnë me një futbollist të karakteristikave të tij që gjithashtu do të kushtojë shumë për arkat e klubit.
Konkurrentët e Barcës për francezin: Dembele ka një treg. Skuadrat e PSG dhe Premier League janë të interesuara për nënshkrimin e tij të lirë. Ne duhet të shohim se çfarë do të ndodhë më në fund me Mbappe sepse vazhdimësia e tij ndikon në nënshkrimin e Dembele. Disa skuadra angleze kanë pyetur për të dhe kanë bërë një lëvizje. Barça ka avantazhin që lojtari tani është i lumtur në “Camp Nou”. Ai po luan mirë, ka besimin e trajnerit, sheh se ka një projekt për të ardhmen dhe ndihet i integruar në grup. Dhe kjo ia vlen paratë. Barça nuk mund të ofrojë aq miliona sa të tjerët, por ky kuadër mund t’i ofrohet lojtarit.
