Italianët “po lëpijnë plagët” e tyre pas një disfate në fazën kualifikuese për Kupën e Botës.
Maurizio Sarri beson se Italia ka vite që qëndron prapa kombeve më të forta të futbollit në botë. Kombëtarja italiane e ka shijuar fitimin e Kampionatit Evropian disa muaj më parë. Më vonë ishte vetëm më keq: vendi i dytë në grup në raundet kualifikuese për Kupën e Botës dhe një humbje në play-off kundër Maqedonisë së Veriut. Sipas Sarri, ky rezultat pasqyron se ku ndodhet në të vërtetë futbolli italian.
Sipas tij, kjo është e dukshme kur shikon ndeshjet e Serisë A. “Futbolli ynë ka probleme që janë të dukshme, por askush nuk flet për çështje serioze. Nëse ulesh para televizorit dhe shikon një ndeshje të Bundesligës ose Premier League, dhe më pas shikon stadiumet italiane, pyet veten se ku dreqin jemi ne.
Dhe ne jemi 30, 40, 50 vjet prapa të tjerëve. Askush nuk flet kurrë për strukturat, objektet stërvitore. Kur flas për terrenin, dëgjoj që ankohen ende. Na mungon vëmendja ndaj detajeve. Ne paguajmë për të”, tha Sarri.
