Trajneri i Napolit, Luciano Spalletti ka folur pas barazimit me Barcelonen, në kuadër të Ligës së Evropës.
Barcelona dhe Napoli u ndanë baras me rezultat 1-1 ne “Camp Nou”.
Pas ndeshjes, Spalletti tha se Barcelona e meritoi një barazim por ajo nuk ishte penallti sepse dora ishte ne pozite te natyrshme.
“Ne u përpoqëm ta mbanim lojën pezull në pjesën e dytë, por në fund u futëm shumë thellë, dhe ky është një problem kur e bën atë kundër Barcelonës.
Nuk duhej ta kishim bërë këtë, edhe pse nuk ka dyshim për nivelin e kundërshtarit. Ka momente gjatë lojës që nuk mund të organizojmë presion të lartë, kalojmë prapa dhe lëmë skuadrën tjetër të shtypë.
Mendoj se në pjesën e parë dëshmuam se mund të luajmë në pozitë të barabartë me Barcelonën. Pas pushimit ata kontrolluan iniciativën, por këto janë gjëra që mund të rregullohen. Mund të përsërisim lojën e pjesës së parë gjatë gjithë ndeshjes.
Me gjithë respektin, do të them se Barcelona e meritonte një barazim, por nuk pati penallti. Topi nuk ndryshoi drejtim. Nuk preku majat e gishtave, por gishtin e vogël. Për më tepër, dukej se dora ishte në një pozicion mjaft të natyrshëm.
Ose mbrojtësit duhet t'i mbajnë duart pas shpine gjatë gjithë kohës, gjë që kufizon lëvizjen kur vrapojnë, ose nuk e di se çfarë duhet të bëjnë tjetër. Siç thashë, Barcelona e meritonte të barazonte, por nuk pati penallti”, tha Spalletti për “Sky Sport Italia”.
