Futbollisti kosovar mund të bëhet bashkëlojtar me Amir Rrahmanin gjatë verës që vjen
E ardhmja e Adnan Januzajt mund të jetë e lidhur me kampionatin italian.
Futbollisti kosovar është bërë objektiv i Napolit.
Për këtë siguron mediumi italian “La Gazzetta dello Sport”.
Klubi italian e sheh përfaqësuesin belg si zëvendësues ideal të Lorenzo Insignes, i cili do të largohet.
Istogasi do të jetë lojtar i lirë gjatë verës që vjen pasi do t’i skadojë kontrata me Real Sociedadin.
26 vjeçari do ta provonte me kënaqësi një eksperiencë të re në Serie A pasi e bëri një gjë të tillë në Premierligë, në La Liga dhe në Bundesligë.
Ndërkohë, nuk përjashtohet mundësia që ai të rikthehet në kampionatin anglez të futbollit.
