Theo Hernandez ishte heroi i ndeshjes së sotme për Milan.
Mbrojtësi francez shënoi dy gola në fitoren 0:3 të Milan kundër Venezia, fitore kjo mjaft e rëndësishme në ndjekjen e Inter.
Vëmendja lidhur me Theo Hernandez qëndron në pjesën e rinovimit të kontratës dhe pikërisht për këtë ka folur ai pas ndeshjes.
“Bisedimet janë duke ardhur për rinovimin e kontratës sime me Milan”, ka thënë Theo Hernandez.
“Ne jemi në një pikë të mirë – negociatat po avancojnë. Jam shumë i lumtur këtu, që nga dita e parë”, shtoi anësori francez.
Theo ka qenë në mesin e lojtarëve më të mirë te Milan sezonet e fundit – nëse jo më i miri. Ai ka fituar edhe ftesën te Franca, me paraqitjet e tij brilante si Rossoneri.
