Pavarësisht se e fituan Ligën e Kampionëve në 2020/21, skuadra nga Premier League, Chelsea ka njoftuar humbje prej 145.6 milionë paund – rreth 174.300.000 € – pas tatimit.
Viti financiar që përfundon më 30 Qershor 2020, u ndikua në mënyrë dramatike nga COVID-19 dhe Premier League pasi ndeshjet luheshin me dyer të mbyllura si pasojë e pandemisë. Chelsea gjithashtu pa një rënie në fitimet e tyre të krijuara nga shitja e lojtarëve.
Qarkullimi i Bluve u rrit nga 387.8 milionë paund në 416.8 milionë paund – nga rreth 461.5 milionë euro në 495.9 milionë euro – për shkak të të ardhurave më të larta nga transmetimi, por humbjet e tyre ishin megjithatë më të larta se 102 milion paund – 121.4 milion euro – në 2019/2020.
Duke shpjeguar situatën e tyre financiare, llogaritë e Chelsea -t thanë se ata “mbështeten në Fordstam Limited për mbështetjen e vazhdueshme financiare”, me kompaninë në pronësi të Roman Abramovich. Kompania tha gjithashtu se ata do të vazhdojnë të mbështesin klubin “për të ardhmen e parashikueshme”.
Ndryshe nga vitet e mëparshme, Chelsea nuk regjistroi ndonjë shitje të konsiderueshme vitin e kaluar. Megjithatë, ata shpenzuan shumë për një numër lojtarësh në secilën prej merkatove verore që erdhën pas përfundimit të ndalimit të tyre të transferimit.
Tani, Blutë kanë disa lojtarë të rëndësishëm që arrijnë fundin e kontratave të tyre përkatëse. Thiago Silva, Andreas Christensen, Cesar Azpilicueta dhe Antonio Rudiger të gjithëve iu skadon kontrata më 30 qershor 2022.
