Klubi i Newcastle gjendet në një pozitë të vështirë këtë sezon, teksa “qymyrxhinjtë” janë aktualisht në vendin e parafundit të Premier League me vetëm 11 pikë të grumbulluara në 19 ndeshje.
Në këtë formë, pronarët arabë të anglezëve janë të detyruar të ndërhyjnë në merkaton e janarit, teksa në objektiv kryesor është shndërruar Isco i Real Madrid.
Fantazisti i galaktikëve ka përfunduar jashtë planeve të trajnerit Carlo Ancelotti ndërsa edhe klubi nuk i ka ofruar një rinovim kontrate teksa ajo aktualja i skadon në verë.
Ndaj, Newcastle kërkon të përfitojë nga kjo situatë e spanjollit, pasi edhe Real Madrid është i hapur për të gjetur një marrëveshje duke qenë se mund të përfitojë disa miliona për të mos e humbur lojtarin me parametër zero në fund të sezonit.
Tashmë, mbetet për t’u parë gatishmëria e Isco për të kaluar në Premier League me fanellën e Newcastle, i cili në këtë mes është ai që ka fjalën e fundit.
