Do të startojë në orën 13:45, në stadiumin e qytetit të Laçit, sfida Laçi-Kastrioti, e vlefshme për javën e 15-të në Kategorinë Superiore.
Skuadra kurbinase e Mirel Josës do të kërkojë fitoren e pestë radhazi, për të vijuar këtë vazhdimësi të rezultateve pozitive, por edhe për t’i bërë presion skuadrave të zonës europiane që ndodhen -3 pikë.
Ndërsa ekipi krutan vjen në këtë takim pa trajnerin Ramadan Ndreu, i cili u dënua nga Komisioni i Disiplinës me 12 ndeshje pezullim pas sjelljes jo të hijshme ndaj lojtarit të Skënderbeut, Vitija.
FORMACIONET ZYRTARE –
LAÇI – Dajsinani; Roganoviç, Ignjatoviç, Malota, Ziko; Deliu, Shehu, Lushkja; Mazrekaj, Guindo, Zarubica. Trajner: Mirel Josa.
KASTRIOTI – Vata; Neziri, Husein, Karakaçi, Rami; Onanuga, Basha, Greca, Prodani; Okebugu, Ajazi. Trajner: Shkëlzen Rustami.
