Fiorentina thuhet se do të takohet me Arsenalin në javët e ardhshme për të diskutuar një lëvizje të përhershme për Lucas Torreira.
Ish-lojtari i Sampdorias iu bashkua skuadrës së Artemio Franchi në formë huazimi me një opsion blerjeje verën e kaluar.
25-vjeçari ka luajtur 13 ndeshje nën drejtimin e Vincenzo Italiano këtë sezon dhe sipas ‘Il Corriere Fiorentino’, ata janë të vendosur ta bëjnë lëvizjen e tij të përhershme.
‘La Viola’ mund të nënshkruajë me Torreira në një marrëveshje të përhershme për 15 milionë euro dhe drejtuesit e klubit së shpejti do të zhvillojnë bisedime me ‘Topçinjtë’ për të diskutuar një transferim të përhershëm për uruguaianin.
Torreira kishte vështirësi për të luajtur në Arsenal dhe Atletico Madrid, ku luajti si huazim në sezonin 2020-21.
Trajneri i Fiorentinës, Italiano është i kënaqur me paraqitjet e lojtarit dhe e konsideron atë një lojtar kyç për skuadrën.
Arsenali dhe Fiorentina kanë qenë gjithashtu në kontakt për Dusan Vlahovic, i cili është shfaqur si prioriteti i ‘Topçinjve’ për të forcuar sulmin e tyre.
Megjithatë, 21-vjeçari nuk duket i gatshëm të kalojë në Emirates Stadium dhe është në pritje të ofertave nga klube të tjera.
