Drejtori i Borussia Dortmundit, Hans-Joachim Watzke ka thënë se klubi do mbajë negociata me sulmuesin Erling Haaland gjatë javëve të ardhshme, por ka pranuar se sulmuesi do vendos në fund.
Haaland është një ndër sulmuesit më të mirë në botë në dy vitet e fundit, duke shënuar 74 gola në 72 ndeshje.
Norvegjezi kërkohet nga top klubet evropiane, si Manchester United, Manchester City, Chelsea, Real Madrid dhe PSG.
Dortmund raportohet se është duke punuar që ta bind Haaland të vazhdojë bashkëpunimin edhe për 12 muaj, ku shpresojnë t’ia largojnë klauzolën e lirimit.
Watzke ka dhënë detaje për të ardhmen e qendërsulmuesit, ku ka pranuar se do vazhdojnë me negociatat në mënyrë që ta bindin për largimin e klauzolës.
“Mendoj se do flasim në javët e ardhshme. Nuk jemi në kontroll për këtë gjë. Nuk kemi presion për të negociuar sepse nuk kemi të nevojshme për të rinovuar kontratën”.
“Klauzola e lirimit? Pyetja është nëse do e aktivizojë ose jo atë klauzolë. Por, nuk do e kuptojmë këtë deri nga marsi ose prilli”, nënvizoi ai.
Ndërkohë, klauzola e lirimit e Haaland vlen rreth 75 milionë euro.
