Trajneri i Spanjës, Luis Enrique, është paraqitur para mediave në prag të sfidës së sotme kualifikuese përballë Greqisë.
Spanja luan një gjysmë bilete Botërori në Athinë, teksa skuadra e Luis Enrikes është e dënuar të fitojë. I gjithë presioni është mbi “Furinë e Kuqe”, por përsëritja më shumë se 4 herë e pyetjes nëse ai dhe skuadra ndihen në presion e ka acaruar teknikun.
“Shoh që qenkeni fiksuar pas presionit. Nëse nuk do të kisha presion, nuk do të isha trajner i Spanjës”, ka thënë ndër të tjera ai.
Çfarë prisni nga ndeshja me Greqinë?
Greqia ka ndryshuar skemë nga ajo që u përballëm në fushën tonë. Kanë pasur përmirësime në lojë e rezultate dhe mendoj se do të gjejmë një rival të motivuar, por objektivat tanë janë të qartë.