Lionel Mesi nuk ka qenë i grumbulluar nga PSG për ndeshjen kundër Leipzig, teksa u vendos se ylli argjentinas duhej të pushonte për shkakun e dëmtimit dhe që të mos lëndohej më tepër.
Megjithatë tifozët e PSG janë habitur kur kanë parë se Mesi është grumbulluar nga Argjentina për ndeshjet e radhës në Botëror.
Për shkakun e shqetësimeve të tij, tifozët prisnin që ylli i tyre të bënte disa ditë pushimi dhe të përfitonte nga periudha e Kombëtareve. Ndërkohë në Francë kanë zbuluar edhe klauzolën e veçantë në kontratën e Mesit te PSG.
Atje thuhet se prioriteti i tij është Argjentina dhe parisienët nuk duhet të apelojnë asnjë lloj vendimi, pavarësisht rrethanave.
