Si rrallë herë, në javën e nentë të Ligue 1, Paris Saint Germanin do të zbresë në fushë që në orën 13:00, në fushën e Rennes.
Interesi në këtë sfidë është për të parë në versionin e tij më të mirë Lionel Messin, që realizoi një gol spektakolar në fitoren e parizienëve ndaj City-t në Champions.
Po nga kampionati francez këtë të diel do të transmetohen Lille – Marseille në orën 17:00 dhe St Etienne – Lyon në orën 21:00.
Në LaLiga është radha e Realit të Madridit, që luan në orën 16:15 në fushën e Espanyolit, me synim kthimin e diferencën prej tri pikësh me Atleticon, që futi në krizë më të thellë Barcelonën. Në orën 18:30 luhet Villareal – Betis, ndërsa sfida e fundit e kampionatit spanjoll në SuperSport do të jetë Granada – Sevilla, në orën 21:00.
