Juventusi ka rikthyer përsëri gëzimin në fytyrat e tifozëve bardhezi.
“Zonja e vjetër” duket sikur ndërron maskë në Champions League, teksa në këtë kompeticion po paraqitet tërësisht ndryshe nga ç’po bën në kampionat. Strategjia e Allegrit del fituese mbrëmjen e djeshme, ku Juventusi ka mposhtur me rezultatin minimal 1-0 Chelsea-n.
Blutë e Londrës kanë dominuar takimin, por në fund nuk ia ka dalë të tundë rrjetën e kundërshtarit. Fatin e takimit e vendosi ai gol i ardhur vetëm 10 sekonda pas nisjes së pjesës së dytë. Një aksion perfekt i bardhezinjve u finalizua me gol nga ana e Chiesa-s.
Juventusi grumbullon tashmë 6 pikë të plota dhe mban kreun në grup.
