Legjenda e futbollit brazilian dhe botëror,
Pele është gati të largohet nga njësia e kujdesit intensiv të spitalit që është shtruar prej ditësh në Sao Paulo, ku iu nënshtrua një operacioni për heqjen e një tumori të zorrës së trashë.
Një nga vajzat e tij, Keli Nashimento, shkroi në një mesazh në gjuhën portugeze dhe angleze në profilin e saj në rrjetin social “Instagram” së bashku me një fotografi të buzëqeshur të Pelesë:
“Ai është mirë pas operacionit, nuk vuan dhe është në humor të mirë. Ai do të transferohet në ditët e ardhshme në një dhomë në repart dhe brenda një ose dy ditësh do të kthehet në shtëpi.”, përfundoi vajza e legjendës botërore të futbollit.
