Ndeshja mes Brazilit dhe Argjentinës, e vlefshme për kualifikimet në Kupën e Botës, u shty për një datë tjetër.
Kjo ndodhi, sepse katër lojtarë të Argjentinës, nuk respektuan rregullat e karantinës dhe ishin titullarë ndaj Brazilit.
Tani, Federata e Argjentinës ka bërë të ditur se portieri Emiliano Martinez dhe futbollisti Emiliano Buendia janë rikthyer te skuadrat e tyre, Aston Villa.
“Me marrëveshje me trajnerin, futbollistët Emiliano Martinez dhe Emiliano Buendia u autorizuan të rikthehen në klubet e tyre”, shkruhet në komunikatë.
Ndërkohë, ende s’ka asnjë vendim lidhur me takimin e Brazilit dhe Argjentinës që u suspendua.