‘O sa mirë me qenë shqiptar’/ Përballja me Hungarinë, tifozët kuqezi ‘pushtojnë’ rrugët e Elbasanit!
Kthehen tifozët në ndeshjet e kombëtares dhe kthehen njëkohësisht edhe pamjet që i kishim harruar ato të radhëve të gjata për të hyrë në stadium apo edhe radhëve për biletat në biletarinë e impianteve.
Edhe pse me kapacitet të kufizuar, prania e tifozëve në :Elbasan Arena” ka bërë që në hyrje të krijohen radhë për të hyrë në impiantin që do të presë ndeshjen mes Shqipërisë dhe Hungarisë.
Tifozët prej disa minutash presin në radhë që të kalojnë kordonët policore të sigurisë para se të shkojnë në tribunat përkatëse.
