Roberto: Futbollistët donin patjetër që Leo të qëndrojë

Futboll

Roberto: Futbollistët donin patjetër që Leo të qëndrojë

Më: 14 gusht 2021 Në ora: 12:15
Roberto: Futbollistët donin patjetër që Leo të qëndrojë

Futbollistët e Barcelonës kishin pranuar uljen e pagave vetëm që klubi të mund të nënshkruajë me Lionel Messin.

Për shkak problemeve ekonomike, kinse, Messi u largua nga Barcelona pas pothuajse dy dekadash, duke u transferuar te PARIS Saint Germain.

Sergio Roberto tha të premten se futbollistët donin patjetër që Leo të qëndrojë dhe për këtë, ishin pajtuar të sakrifikonin edhe pagën e tyre, por problemi te Barça ishte më i madh dhe kështu, Leo s’mund të vazhdonte.

“Lojtarët ishin ata që më së shumti donin që Messi të vazhdonte dhe ne do të kishim bërë maksimumin, por problemi shkoi përtej lojtarëve, ndodhi shkaku pandemisë ose menaxhimit që është bërë. Çfarëdo që të ndodhë, ne jemi Barça edhe pa Messin. Nuk besojmë se jemi në gjendje shoku (…). Jemi Barça”, tha ai.

commentFirst article
Sot mund të lexoni Shfletoni kopertinat